Visit Undredal

Nye overnattingstilbod

Leif Inge — Wed, 26 Jan 2011 11:55:27 +0000

1. mai 2012 var tre nye leilegheiter i andre høgda av servicebygget Gjestestova klare til å ta imot dei første gjestene.

Gjestestova står sentralt i bygdi nær fjorden, kai, kafe og butikk. Sjarmerande innreidd og utstyrt i alle rom.

Alle leigelegheitene har balkong med utsikt over fjorden og dalen.

Ny camping.

Ein liten eksklusiv camping er eitt nytt alternativ ved fjorden for dei som prisar campinglivet. Nytt servicebygg med toalett, dusj og andre funksjonar med god kapasitet og høg standard. Lokalisert i sentrum av Undredal nær fjorden / kaiområdet med visningsenter, kafe, ostebutikk og kort avstand til Underdalsbui med tilbod på ferske bakevarer, daglegvarer, lokal geitost og andre reiseminner.

Andre overnattingstilbod med rom og leilegheiter

Lussestova, Birjestova og Vingerstad er varierte alternativ med ulike prisnivå. Sjå Booking ovanfor.

Geitost frå Undredal

Leif Inge — Thu, 23 Dec 2010 07:29:41 +0000

No har me NYLAGA BRUN GEITOST frå Undredal Stølsysteri på lager.

KVIT GEITOST er eit spanande produkt og vanlegvis kan me levere den i ulike mogningsgrader, alt frå mild nylagra ost til velagra ost med meir smak.

No har me MELLOMLAGRA KVIT GEITOST lett salta. Ein ost som passar til nesten kva det skal vere både for liten og stor osteelskar.

Tur til Undredal i vår?

Leif Inge — Wed, 06 Jan 2010 09:06:54 +0000

Oversyn over nedre del av Undredal

Ro og fred – ein oase for avkobling og mental “defragmentering”. Sommaren nærmar seg men framleis har me vinterstilla med snø på toppane.

Me har gunstige prisar på rom og leilegheiter. Sjå Booking ovanfor.

Resepsjon vinterstid er i den lokale landhandelen med den velkjende Undredalsosten, open måndag – laurdag.

Kontakt oss på telefon eller epost .

Velkomen til Undredal !

Spekepølse av geit frå Undredal

Leif Inge — Fri, 27 Nov 2009 10:48:04 +0000

100% geitekjøt, utan krydder og konserveringsmiddel.

Kan du få frå Underdalsbui.

Ny ostehøvel

Leif Inge — Fri, 27 Nov 2009 10:42:06 +0000

Spesiallaga Ostehøvel for Brun Geitost, med Undredal-logo!

Utvikla av Norges eldste ostehøvelprodusent Bjørklund i samarbeid med oss.

- Klebefritt stål, Rett og tynt snitt, Oppvaskmaskin-sikker

Same type for KVITOST, med bølga snitt for tjukkare skiver.

Pris: 199,- for begge varianter!

Litt om Undredal

Leif Inge — Fri, 27 Nov 2009 10:18:04 +0000

Undredal er kjent for mange som “geitostdalen”. Det har sin bakgrunn i ein ubroten tradisjon med stølsdrift og ysting av geitost. Vi har i fleire generasjonar vore distibutør av geitosten både engros og til forbrukar, og våre tilbod ber preg av at geitosten framleis er det viktigaste produktet. Etter at Undredal fekk vegsamband med omverda i 1988 er det mange tusen som vitjar bygda vår kvart år. Vi prøver å utvikle tilbod til dei både på oppleving av vårt lokale miljø, kultur og tradisjonar og på produkt dei kan ta med seg.

Er du ute etter ein av våre mange variantar av geitost frå Undredal Stølsysteri til dagleg bruk i husholdningen eller som presang til ein god ven, til dine medarbeidarar eller kundar, så har vi produkt pakka og tilpassa slike føremål.

Eller kanskje du leitar etter eit godt reisemål for familien eller eit lag/ organisasjon? Vi kan ta imot dykk med program/ presentasjonar av lokale tradisjonar med utgangspunkt i geitosten, og servere alt frå smaksmenyar til lunsj og middag.

Vi vonar du finn noko interessant i menyen vår, og tek gjerne imot både bestillingar, tilbakemeldingar/ kommentarar.

Velkomen til oss!

Natalia og Leif Inge Underdal – vertskap

NB Informasjon om omvisning i Undredal Stavkyrkje finn du under lenka: Undredal Grendalag & Bygdeutvikling