Sommarprogram i Undredal

Førebels har vi på plass TO STORE arrangementshelgar i Undredal i siste halvdel av JULI, men det kan bli fleire både før og etter.

VARIERT DANSEHELG
FREDAG 18. JULI Åge og Jan Åge Sogn spelar frisk trekkspelbasert dansemusikk
LAURDAG 19. JULI SOGNS kjem for n`te gong med fengande dansemusikk på bryggja i Undredal.
Garantert stor stemning og mykje folk.

FJORD OG FOLK
er ein folkeleg sommarfest med FOLKEMUSIKK, FOLKEDANS OG FOLK ROCK
og må ikkje forveklast med Fjord- og Geitostfestivalen, som har eit kvileår i år.
Har du f.eks.lyst å lære å danse den mest tradisjonelle dansen her ved Sognefjorden, Sognespringaren eller du likar å dra felebogen eller trekkspelet i lag med andre bør du reservere denne helga i sommar.
Ungdomslaget inviterar til SWINGKURS same helga, og det blir rikeleg høve til å svinga rockefoten fredag til musikk frå eit velkjent FOLK ROCK BAND.
For dei som ikkje vil bruke dagane til kurs og samspel er det rikeleg høve til å nyte fjordlandskapet til fots eller i båt.
Innimellom vil det bli tilbod om små og større konsertopplevingar, og truleg avsluttar me helga med KONSERT PÅ HØGDAGARDEN NEDBERGO
FREDAG 25. JULI DAGTID: KURS I SOGNESPRINGAR OG SVING, spelemannstreff
TIDLEG KVELD: FOLKEMUSIKK KONSERT
SEINKVELD; DANS til FOLK ROCK på Bryggja
LAURDAG 26. JULI DAGTID: KURS I SOGNESPRINGAR OG SVING, spelemannstreff, guida turar
TIDLEG KVELD: Improvisert DANSEMUSIKK med svært varierte rytmer
SEINKVELD: DANSEKVELD til musikk av EID SPELEMANNSLAG.
PÅMELDING: Det blir førehandssal av bilettar både til kurs og dansearr.
Nærare informasjon og dette og program vert lagt ut på denne sida og kunngjort på Facebook.

Velkomen til Undredal i sommar!

Undredal

Undredal 3 (2)

Litt om Undredal

Ein lun roleg strandstad ved midt i Nærøyfjorden verdsarvområde. Ta ein pause på fjordturen mellom Flåm og Gudvangen, eller ta av frå E16 ved stølen Langhuso gjennom det tronge dalføret og to stølsområde ned til Aurlandsfjorden. I Eldhuset ved Fjord kafeen kan du bli teken inn i dei verkelege folkeeventyra og folkelivet før og no, få deg ei god seng for natta og nyte eit godt måltid omkransa av det fantastiske fjordlandskapet.

Velkomen til oss!

Natalia og Leif Inge Underdal – vertskap

NB Litt meir informasjon om Undredal og Undredal Stavkyrkje finn du under denne lenka: Undredal Grendalag & Bygdeutvikling

Nye overnattingstilbod ved fjorden i Nærøyfjorden Verdsarvområde

1. mai 2012 var tre nye leilegheiter i andre høgda av servicebygget Gjestestova klare til å ta imot dei første gjestene. Gjestestova står sentralt i bygdi nær fjorden, kai, kafe og butikk. Sjarmerande innreidd og utstyrt i alle rom. Alle leigelegheitene har balkong med utsikt over fjorden og dalen. Ny camping. Ein liten eksklusiv camping er eitt nytt alternativ ved fjorden for dei som prisar campinglivet. Nytt servicebygg med toalett, dusj og andre funksjonar med god kapasitet og høg standard. Lokalisert i sentrum av Undredal nær fjorden / kaiområdet med visningsenter, kafe, ostebutikk og kort avstand til Underdalsbui med tilbod på ferske bakevarer, daglegvarer, lokal geitost og andre reiseminner. Andre overnattingstilbod med rom og leilegheiter Lussestova, Birjestova og Vingerstad er varierte alternativ med ulike prisnivå. Sjå Booking ovanfor.

Tur til Undredal i vår?

Oversyn over nedre del av Undredal

Ro og fred – er det framleis i Undredal etter vinterstilla, ein oase for avkobling og mental “defragmentering”. Våren kjem tidleg her nede ved fjorden sjølv om det framleis er kaldt er han ikkje langt unna. Golfstraumen held liv i oss her på Vestlandet. Me har framleis gunstige prisar på rom og leilegheiter.  Sjå Booking ovanfor. Resepsjon vinterstid er i den lokale landhandelen med den velkjende  Undredalsosten, open måndag – laurdag. Kontakt oss på telefon eller epost . Velkomen til Undredal !